തക്കാളി സൂപ്പ്

ആവശ്യമുള്ള സാധനങ്ങള്‍
തക്കാളി – 3 എണ്ണം
വെള്ളം – 2 1/2 കപ്പ്
പാല്‍ – 2 കപ്പ്
മൈദ – രണ്ട് ടേബിള്‍സ്പൂണ്‍
വെണ്ണ – രണ്ട് ടേബിള്‍സ്പൂണ്‍
സോഡാപ്പൊടി – ഒരു നുള്ള്
ഉപ്പ്, കുരുമുളകുപൊടി – പാകത്തിന്

തയ്യാറാക്കുന്ന വിധം
തക്കാളി വെള്ളത്തിലിട്ടു വേവിച്ച് അരച്ചെടുക്കുക. ഈ സത്തിലേക്ക് സോഡാപ്പൊടി ചേര്‍ത്ത് വാങ്ങുക. കട്ടിയുള്ള പാത്രത്തില്‍ വെണ്ണയിട്ട് ഉരുകുമ്പോള്‍ മൈദയിടുക. പതഞ്ഞുവരുമ്പോള്‍ തീ കുറച്ച് പാല്‍ കുറേശ്ശെയായി ഒഴിച്ചിളക്കി കൊഴുത്തുതുടങ്ങുമ്പോള്‍ തക്കാളിസത്തിലേക്ക് ഒഴിക്കുക. (പിരിയാതിരിക്കാനാണ് സോഡാപ്പൊടി ചേര്‍ക്കുന്നത്) ഉപ്പ്, കുരുമുളക് എന്നിവ ചേര്‍ത്ത് ചൂടോടെ കഴിക്കാം.